《金宵大廈2》承接上輯嘅奇幻風格，以十個單元貫穿全劇，而陳山聰同李施嬅會飾演情侶。劇情起點以陳山聰喺金宵大廈失蹤後被尋回後性格大變而展開，李施嬅為了解開謎團，決定闖入大廈，但遇上各種怪事。

近期9點半檔期嘅劇集排陣傳過多個版本，Hokas Shoes   先有傳播放洪永城同傅嘉莉主演、由J2創意總監C君聯同ViuTV劇《大叔的愛》嘅監製兼編審盧思麟合組公司開拍嘅《凶宅清潔師》。跟住再傳出改由陳展鵬主演嘅《黯夜守護者》上陣。結果最新消息《黯》會調到5月先出街。

ViuTV即將接連播自家劇《反起跑線聯盟》同《冥冥之中》，TVB當然不容有失，《金宵大廈2》有上集擁躉支持；而去年煎pang嘅《逆天奇案》成為年度收視之冠，《黯》同樣係呢位新一代「收視福將」主演嘅同類型警匪劇，明顯係TVB搶收視策略。