藝人陳煒與醫生老公陳國強去年拉埋天窗，不過低調嘅佢婚後甚少網晒愛巢環境，直至日前好友朱晨麗上門拜訪，先終於令新房曝光。相中見陳煒家中採光度十足，以白色簡約裝修風格為主，雖然只係見廳中一角，但就設有超長型梳化，側邊仲有落地玻璃窗，空間非常闊落。其實陳煒2021年以過千萬私房錢買入大埔新翠山莊風水樓，入市後即因政府宣布重點發展白石角帶挈升值，帳面賺幾百萬，非常旺財。