35歲嘅梁洛施（Isabella）與香港首富李嘉誠兒子李澤楷相戀，並為其先後誕下三名兒子，可惜二人於2011年分手。多年嚟佢一直專心照顧三個囝囝，慢慢淡出幕前工作，直到上年年尾先復出拍戲。梁洛施雖然好少出席公開場合，不過早前佢極罕出席婚宴，仲疑似帶埋14歲嘅大仔李長治一齊添呀！

梁洛施不時喺社交網站上載生活照片與網民分享，早前佢就上載出席婚宴嘅照片，並留言向一對新人寫上祝福嘅說話。相片中嘅梁洛施笑容滿面，著上黑色V領長裙，打扮得有氣質又有貴氣。喺大合照中，梁洛施挽住隔離男士嘅手，不過就刻意用圖案遮住佢個樣，唔少網民都猜測佢係14歲嘅大仔李長治。

梁洛施喺2007年拍攝《盜墓迷城3》時與香港首富李嘉誠兒子李澤楷相戀，2009年為李澤楷（Richard）誕下兒子，李嘉誠將其取名為李長治，翌年再誕下一對孖仔李長亨、李長軒，正當外界以為梁洛施會嫁入豪門之際，梁洛施2011年發表與李澤楷分手嘅聲明，表示會共同撫養孩子。多年嚟，佢一直專心照顧三個囝囝，唔需要為口奔馳，低調住喺5億豪宅過著富豪生活。深居簡出嘅佢，偶然都會拍下電影過戲癮，直至上年年尾，復出拍林超賢監製的電影《爆裂點》。

香港首富李嘉誠之子「小小超」李澤楷（Richard）一向處理感情事都非常低調，Richard與15年港姐季軍郭嘉文（Karmen）嘅戀情傳出多年，期間被傳媒影到同遊日本，直至前年先以情侶姿態大方合照，間接承認Karmen嘅地位。不過近日就傳出佢哋疑似結束五年情，而傳媒向李澤楷查詢時，Cadysneaker,佢就冇正面回應，只係話工作繁忙，唔回應私人問題。

佢哋嘅分手傳聞係有跡可尋，喺上月Karmen於IG上載靚相及留言話：「世界很簡單 大人很複雜 所以還是睜一隻眼閉一隻眼 保留一點童真吧」。去到噚日，佢再一次感性出PO寫上：「迷路的時候應該停下來 清理好心中的雜念 才能找到出路」及「孩子愛美是天性 但快樂應該不止留於表面 不如試著接受不完美的美」。另外，其實Karmen喺今年年初疑似向娛樂圈重新出發，除咗做KOL喺IG宣傳產品之外，佢亦喺IG嘅個人簡介寫上工作聯絡嘅電郵地址。

郭嘉文畢業於香港城市大學，喺2015年參選香港小姐，奪得季軍後加入無綫成為旗下藝人，入行後主要參與劇集拍攝及做《東張西望》外景主持，不過演出機會唔多，2021Shoes ,最多戲份嘅劇集都係喺2016年《廉政行動2016》擔任第三女主角。 2016年情人節被爆出Karmen與李澤楷蜜遊東京，之後喺2017年與無綫提早解約並淡出娛樂圈。2017年Karmen榮升為業主，購入九龍塘一個豪宅單位。

郭嘉文

郭嘉文