江嘉敏瘦身成功變回索女,名副其實樣靚身材正。狂收兵的她最近被爆狂收花兼豪晒包包,不諱言多追求者,更冧爆說:「係Surprise到嘅,但都要畀時間了解吓先!我唔係想玩玩吓,以結婚為目標。」向來孝順的她努力搵錢買樓,打算一層自住、一層給父母。

無綫小花江嘉敏入行後一劇接一劇,可塑性甚高的她早前更被監製下令「落髮」,以極短的男仔頭在劇集《新四十二章》飾演「現代韋小寶」,不過造型遭網民狂踩又肥又衰,對原本靚女的她可謂大犧牲!近日她來個「大翻身」,狂做運動速減10多磅,由男仔頭變回索女。

重返「女神」寶座的她,被發現狂收花兼豪晒20萬名貴包包!近日她在社交網分享收花相,身穿露膊短裙一臉風騷,如沐春風地抱着99支紅玫瑰對鏡頭甜笑,寫道:「去食飯見到張枱旁邊放咗99支玫瑰喺度,即刻心心眼走去影人哋紮花,影完之後先發現,原來張卡寫住我個名。」晒命晒到出面!而她身上價值7萬元的粉紅包包亦相當搶眼,看來近排「有啲計」。

江嘉敏接受本報獨家訪問時笑說:「我邊有20萬手袋呀!呢個袋6萬幾,係我辛苦做嘢儲錢買,同埋我唔係忽然富貴,個袋用咗好耐,如果有20萬都攞嚟投資啦!投資定期或者買隻保值嘅錶唔好?點會用嚟買呢啲奢侈品呀!」

狂跑步甩十幾磅

事實上,近日她忙於拍攝無綫新劇《香港重案》,10月又要挑戰42公里馬拉松賽事,故一直積極減磅做好準備。由包包面變回瓜子面索女,當然有不少狂蜂浪蝶埋身,問到身邊有不少追求者,是否「嫁得」?江嘉敏笑說:「梗係唔係啦!(男友送花?) 大家都好有心,成日送驚喜畀我,無論男男女女嘅朋友。(唔只一個?)花,我呢一年成日收㗎啦!(邊個送?)朋友囉!(咁係咪你杯茶?)唔好咁急,慢慢嚟啦!」之後她又忍不住冧爆說:「係Surprise到嘅。(即係對方有機?)追求者係有,咩行業都有,但要畀時間了解吓先知適唔適合,因為我唔係想玩玩吓,係以結婚為目標,所以要揀個適合嘅一齊過下半世。依家仲係了解階段,專注番工作先,又要練跑山又要拍《重案》。」

瘦了10多磅的她,自爆一度輕過100磅:「因為狂跑步,但呢排成日要返工,好少跑,又多肉番少少,不過都係100磅左右上上落落。之前節食都幾誇張,一日食一餐,出去食飯就每樣一啖咁,我冇戒澱粉同糖,但高糖分嘅嘢盡量少食。」雖然追求者眾,她希望先專注事業,正努力儲彈藥買樓:「我貪心嘅,想買兩層樓,一層畀Daddy媽咪,一層自己住,趁仲後生嗱嗱聲搏殺!」

「兵仔」眾多的江嘉敏,近一年頻頻在社交網晒花。
「兵仔」眾多的江嘉敏,近一年頻頻在社交網晒花。
江嘉敏為馬拉松賽事努力練跑。
江嘉敏為馬拉松賽事努力練跑。

發佈留言

發佈留言必須填寫的電子郵件地址不會公開。 必填欄位標示為 *

On Cloud Sneakers | Lucchese Outlet | Oboz Canada | Mizuno Shoes | Crispi Boots | Freebird Boots | Born Shoes | Carolina Boots | Tecovas Cowboy Boots | Topo Shoes | Tory Burch Canada | Whites Boots | Wesco Boots | Vionic Shoes | Propet Shoes | Dingo Boots | Barefoot Shoes Canada | LaCrosse Boots | Cuadra Boots | Lems Shoes | Coach Outlet Canada | Scarpa Boots | Consuela Bag | Brahmin Bags | Stetson Boots | Bueno Shoes | Richardson Caps | Drew Shoes | Haix Boots | Royer Boots | Sam Edelman |