現年30歲嘅無綫新聞主播林婷婷（Jacky），早前因旗袍造型亮相報天氣，及口罩令取消喺港鐵除罩現真身採訪而爆紅，憑著精緻外貌及口才獲網民捧為「新一代新聞女神」。日前佢前往九龍城為闊別3年嘅潑水節進行外景採訪，其後更上載花絮靚相到社交網站與網民分享。

林婷婷日前到九龍城潑水節進行外景採訪，佢除咗感受現場嘅氣氛之外，佢亦上載花絮靚相到社交網站與網民分享，並留言話：「萬千祝福在『濕身』 電話也不敵大家的沐浴祝福 九龍城的街頭『泰』混戰，大人小朋友都好有力『水』，潑水迎泰式春分，望新一年順風順水。」及「青筋盡谷，面容扭曲泰滿足，逐格捉」。從相片所見，著上毛毛厚褸私服嘅林婷婷揹着一部相機，面上被畫上白色粉彩，面露笑容，明顯樂在其中。童顏機佢除咗被網民大讚佢靚之外，仲話佢好似中學生，例如「笑得好甜，好似中學生」、「索爆婷婷玩到成面粉咁鬼省鏡嘅。。。。。。」、「宇宙無敵可愛」、「笑得好甜，勁可愛」、「難怪你成了萬人迷」、「可愛到不得了」、「林婷婷真係靚到極點！」、「婷婷真係可愛靚女！」及「仙女下凡」等等。