今年其中一套備受注目嘅香港電影《梅艷芳》，早排有消息話曾志偉同吳若希有份參演，並分別飾演殿堂歌聖羅文及梅姐徒弟何韻詩，惹來唔少迴響。

電影公司近日再發布更多影片及宣傳資料，披露更多卡士消息。除咗早前確定由古天樂飾演梅姐恩師劉培基、劉俊謙飾演摰友張國榮之外，2021Sneakers 之前傳過林家楝飾演唱片公司高層蘇孝良嘅消息亦都落實。另外仲有楊千嬅飾演唱片公司經理Florence、廖子妤飾演梅艷芳的親生家姐梅愛芳。而台灣演員楊祐寧就飾演Ben，一身打拳造型令人聯想到梅姐舊愛林國斌。之前傳過有份演出嘅曾志偉同吳若希就暫時未見蹤影。

除此之外，電影嘅參演陣容亦相當誇張，唔少歌手演員都有份演出。

而預告片亦都剪輯電影中部份場口，包括王丹妮飾演嘅梅姐喺夜店演唱、同哥哥張國榮嘅對話，以及演唱會舞台下劉培基對梅姐嘅訓勉，從中聽得出王丹妮喺模仿梅姐神態時下過苦功。