《蜘蛛俠：不戰無歸》全球勁收17億4000萬美元，成為Sony片廠有史以來最高票房電影，而同「蜘蛛仔」相關嘅《毒魔》系列充滿黑色幽默，Eddie同毒魔又似兄弟又似情侶嘅關係，影迷相當受落，系列一樣收得。

隨住Marvel電影宇宙第4階段展開，新角色陸續登場，Steve Madden Shoes 擁有「蜘蛛俠」及相關角色嘅Sony亦跟隨步伐，即將加入新成員！

排住隊見人嘅仲有由Jared Leto主演、4月上映嘅暗黑超級英雄《魔比煞》。故事講述米高魔比煞從小患有罕見先天性血液病，為自救及幫忙有相同疾病嘅人，放手一博到達一個神秘地方尋找醫治方法，因而獲得前所未有的異能，不僅變得力大無窮與移動速度加倍、Teva Sandals  更擁有回聲定位能力，不過代價卻是變成可怕的吸血怪物。

《魔》因為疫情延期至4月上映，網傳新角色「蜘蛛夫人」（Madame Web）將會於片尾彩蛋登場，消息真偽要等電影上映時先知。不過可以肯定Sony確定開拍超級英雌「蜘蛛夫人」獨立電影，好大機會由《格雷的五十道色戒》女星Dakota Johnson主演。

據外媒The Hollywood Reporter報導，「蜘蛛夫人」電影將由曾執導Marvel’s Jessica Jones及Marvel’s The Defenders嘅導演S.J. Clarkson執導，由《魔比煞》編劇搭檔Matt Sazama及Burk Sharpless負責劇本創作。

「蜘蛛夫人」首次於1980年漫畫The Amazing Spiderman中登場，OluKai Shoes  漫畫中嘅佢擁有預視未來及心靈感應嘅能力，曾經幫Peter Parker搵人，不過原著中嘅佢屬阿婆級，雙目失明兼身患重病需要倚賴網狀嘅儀器維生，同後生、形象性感嘅Dakata Johnson好大出入！

不過電影又唔一定要完全忠於原著，「蜘蛛夫人」能力同「奇異博士」有相似嘅地方，話唔定時空再扭曲返回「蜘蛛夫人」青春年代，順便舖路搭返入整個漫威電影宇宙！

Dakata Johnson自《格雷》走紅後雖然作品不斷，不過套套都係小品或偏鋒類型，「蜘蛛夫人」將會係佢繼《格雷》後再次回歸商業大片，值得期待。