現年59歲嘅「星爺」周星馳出道多年，成功創造唔少經典角色及電影作品，亦都捧紅多位「星女郎」。至於感情方面，星爺一向都非常保持低調和神秘，好少談論感情事。New Jordan 最近有報道指星爺與現年17歲嘅應屆落選港姐張曉祺（Ukei）出海玩Wakesurf，疑似譜出爺孫戀。其實星爺嘅感情史豐富，而家就同大家重溫一下星爺昔日嘅10段緋聞啦！

羅慧娟
星爺與羅慧娟喺1989年參演古裝劇《蓋世豪俠》，戲假情真並發展3年地下情，但有傳因星爺爆紅而令二人關係漸疏遠，另外亦有傳當年因朱茵介入，導致戀情告終。

朱茵
星爺與「性感女神」朱茵因合作《逃學威龍2》而暗生情愫，有傳當時星爺試過捉住朱茵嘅手教做戲，之後又喺《大話西遊》上演紫霞仙子情深款款咁望住至尊寶，呢一幕絕對係經典中嘅經典。雖然佢哋冇將戀情公開，不過已經成為娛樂圈公開嘅秘密，喺拍完《大話西遊》後便被爆出分手。

莫文蔚
喺拍攝《大話西遊》時，有傳當時莫文蔚、周星馳及朱茵戲外陷入三角戀關係，更指朱茵忍受唔到星爺花心才會分手。之後多套周星馳嘅電影都係由莫文蔚擔任女主角，雖然佢哋多次被傳媒影到牽手散步及進出酒店，不過佢哋都一一否認。

張敏
張敏係同周星馳合作次數最多嘅女演員，例如《賭聖》、《逃學威龍》系列及《九品芝麻官》等等，係唔少觀眾心目中嘅螢幕情侶，而佢哋嘅緋聞亦都傳得熱烘烘。張敏喺1995年拍完《十兄弟》後便淡出娛樂圈，而佢同星爺亦都冇繼續合作。

孫佳君
由新加坡來港發展嘅孫佳君，一入行就被星爺睇中，欽點出演《百變星君》。喺拍攝期間，二人多次傳出緋聞，其後喺星爺介紹下認識羅兆煇並相戀。

藍潔瑛
星爺與藍潔瑛喺拍攝《蓋世豪俠》時相識，之後喺《大話西遊》再次合作。喺拍攝《大話西遊》時，星爺曾經表示「靚絕五台山」嘅藍潔瑛係佢心目中嘅女神，二人更一度傳出緋聞。

張栢芝
張栢芝被星爺發掘出演首部電影《喜劇之王》，更憑柳飄飄一角一炮而紅。有指喺拍攝期間，二人關係曖昧，緋聞亦不脛而走，佢哋都冇正面回應，Nike Sneakers 不過喺電影上映後緋聞不攻自破。去到2019年，張栢芝為星爺電影《新喜劇之王》宣傳及配音，二人再一次傳出緋聞，當時張柏芝工作室就否認，並指「都說倦了」。

趙薇
有傳星爺與趙薇喺拍攝《少林足球》時互有好感，經常相約外出，更喺媒體面前輕撥趙薇嘅秀髮，不過二人都冇回應過呢段緋聞。

羅凱珊
有傳o靚模羅凱珊（Kama）被星爺睇中，邀請佢為旗下商場穿水着宣傳，更指佢哋秘密同遊日本及星爺供佢去外國讀書，但地下情只維持三個月便分手。

于文鳳
星爺與于文鳳拍拖13年，期間多次被傳媒影到親密同遊，可惜二人於2010年分手。後來女方入稟控告男方違反2002年聖誕節時嘅口頭協議，拖欠逾7千萬元投資分佣，最終女方敗訴兼需付訟費。