尋晚《萬千星輝頒獎典禮》上，大會將「萬千星輝演藝大獎」頒俾TVB助理總經理曾勵珍。大會製作嘅向珍姐致敬片段中，收集多年來得獎藝員喺TVB頒獎典禮上講「多謝珍姐」嘅片段，可見珍姐影響力。但有網民指，獲得「最佳女主角」嘅江美儀，竟然喺珍姐得獎時冇拍掌，令人聯想到美儀被指得罪高層傳聞。

不過睇返TVB嘅片段，珍姐得獎時影到台上女藝員嘅至少3個鏡頭當中，江美儀起碼有2次都有鼓掌致敬，而冇拍獎嗰次剛好影得比較清楚。另一次「拍手位」係以「畫中畫」方式用細畫面呈現台上情況，見到美儀都有拍手，亦非其他報導所指咁黑面。