瘋傳51歲王菲為自己生子 辣㷫謝霆鋒告全網網友

天后王菲早前離奇地被傳來港為男友謝霆鋒高齡誕子，網上更瘋傳一張「超矇版」產婦床照，之後更有人圖文並茂指在母嬰店遇見大肚「王菲」，傳聞愈鬧愈大！針對網上大面積傳播嘅「王菲醫院生產」等不實消息，謝霆鋒公司進行全網維權，有之前發布過王菲醫院產女、謝霆鋒修改遺囑等不實消息嘅網友，都收到謝霆鋒公司嘅投訴，投訴理由係內容涉嫌侵犯名譽、商譽，投訴書中仲標明「謝霆鋒與王菲並未有生育計劃」。根據資料顯示，代理委託書中中委託公司就係謝霆鋒「鋒味（天津）食品技術有限公司」，加上公司印章，投訴文件唔似係造假，睇嚟今次霆鋒真的憤怒了。