林夏薇去年揮抵鍾嘉欣成為視后掀起一片爭議聲,她得獎後「銷聲匿迹」,被指「神隱」一年。面對批評聲音,薇薇以正能量對待,付出200分努力做好本分,亦接受自己的不完美。期間多得兩位視帝黎耀祥與郭晉安及時給予鼓勵,令她相當感動。

林夏薇主演的無綫劇集《法言人》最近播出,去年拍攝期間她憑《七公主》榮膺「視后」,本來可喜可賀,惟她壓過鍾嘉欣得獎竟引起爭議。外間輿論壓力極大,幸好薇薇當時獲前輩的「及時雨」鼓勵,她說:「嗰陣頒獎禮前後係拍緊《法》嘅法庭戲,可能係有壓力,但係嗰排滿腦子都係對白,冇時間去諗咁多,只係專注喺角色裏面。攞獎之後嗰朝早開工,仲收到黎耀祥、郭晉安嘅鼓勵短訊,叫我放鬆啲,好好享受角色,呢樣都幾感動。」

薇薇在《七公主》搏到盡演出贏得視后,惟外間卻替復出拍攝《星空下的仁醫》的鍾嘉欣不值,爭議聲不絕,當時有傳無綫錫住薇薇,讓她暫避風頭,她予以否認:「唔係,其實上年拍完《法》劇後,接住就拍《寵愛Pet Pet》,因為疫情拖長咗,一套劇都拍5個月啦,所以一路都拍緊嘢冇停過。」

「控制唔到人哋喜好」

對於網民的抨擊,薇薇處之泰然,認為最重要是做好本分,亦接受自己的不完美:「拍劇係因為鍾意表演,塑造角色會做好演員本分,但呈現出嚟嘅結果係點冇辦法控制,所以唔會畀自己太大壓力,盡咗力做好就夠,正面、善意嘅意見會吸取,會幫到自己進步。總會有人批評,亦會有人讚賞,但係控制唔到人哋喜好,所以唔會諗太多嘢,做好本分。」

貴為視后,薇薇覺得跟以往沒有太大分別,獎項固然是鼓勵,但亦是另一個起點,她希望一步一步做得更好。面對逆境,她會以正能量面對批評:「其實唔係咁多時間經常去睇,拍緊劇會Focus喺角色度,我老公都話我一開工就係戲癡,朋友都投訴我開工好似消失咗咁,對上一次見定欣佢哋已經係上年新年,好投入喺戲劇世界入面。」

付出200分努力演出的薇薇,多得家中有「最強後盾」老公給予支持,對方不但沒有埋怨,更在背後默默守護她:「收工返嚟,佢會半夜起身煮消夜畀我食、陪我傾偈,好感動。」結婚多年的她,坦言有想過做媽媽,但有小朋友就要全程投入照顧,現時未能付出那麼多時間,故等待上天安排。

林夏薇(左)撼贏鍾嘉欣登上視后寶座,網民對此意見多多。
林夏薇(左)撼贏鍾嘉欣登上視后寶座,網民對此意見多多。

發佈留言

發佈留言必須填寫的電子郵件地址不會公開。 必填欄位標示為 *

On Cloud Sneakers | Lucchese Outlet | Oboz Canada | Mizuno Shoes | Wesco Boots | Carolina Boots | Topo Shoes | Whites Boots | Crispi Boots | Hunter Rain Boots | Dingo Boots | Barefoot Shoes Canada | LaCrosse Boots | Cuadra Boots | Lems Shoes | Anderson Bean Boots | Zodiac Watches | HELM Boots | Dryshod Boots | Coach Outlet Canada | Scarpa Boots | Lugz Boots | Xtratuf Canada | Freebird Boots | BALL Watches | Consuela Bag | Brahmin Bags | Zodiac Shoes | Work Boots Canada | Bueno Shoes Canada | Hobo Handbags | Rieker Schuhe | On Cloud Schuhe | Sam Edelman |