眾望所歸，憑《美麗戰場》飾「反骨琪」贏盡人氣的蔣家旻奪得最佳女配角，她表示連日心情忐忑，失眠及胃口不好，因見外間給很大支持，感到很大壓力，笑言也怕會食白果：「我攞獎冇喊，反而講到斷斷續續。（留番將來攞女主角先喊？）有機會攞嘅話，到時一定會喊，不過我唔心急，一步步嚟。」至於憑《下流上車族》奪最佳男配角的鄧智堅被指爆冷，他也認同：「係！相比其他人，我只係一個新仔，真係冇諗過可以攞獎。」

另外，吳偉豪及郭柏妍成為飛躍進步男、女藝員得主，郭柏妍首次入圍即有零的突破，激動得眼濕濕，致詞時十分混亂：「我喺台上到依家個腦都係一片空白。」向來被指有「魔音」，問到會否唱歌贈興，她笑說：「我驚所有人走晒！」而吳偉豪則說從未想過有獎：「今日都開心，父母同細佬都喺現場，令我攞呢個獎更有意義！」