張敬軒於灣仔會展喪扭晒腰功，另一歌神陳奕迅（Eason）前晚於紅館騷亦加料隔空迎戰，施展下肢挺舉捲腹，邊做邊說：「你日日試吓，平時坐喺廳睇電視咁。」他維持住這個高難度動作足足1分6秒，腰力強勁，觀眾即拍手大叫：「好勁呀你！」Eason起身後狂笑兼大叫：「哈哈，好攰呀，救命，死啦！我唔應該咁，依家下腹好實，有冇人識按摩？哈哈。」並笑言按摩唯一要求是「個樣要靚」。

之前Eason即興於台上為歌迷簽唱片後，前晚有觀眾不停拿着他的專輯嗌簽名，他坦言不能再接唱片簽名，因為上次被老婆扭耳仔。當他飲水時，亦向觀眾表示：「你都飲啦，好乾呀。好似話依家紅館可以食雪糕。」觀眾即大叫： 「40蚊呀！」他笑言：「成千蚊張飛你都買得起，40蚊個甜筒啫。」逗得大家開心狂笑。另外，政府公布放寬部分社交距離措施，演唱會表演場地座位由85%變回100%，Eason演唱會主辦單位宣布今日上午10時可透過城市售票網，購買今日的15%「放寬位」，23日上午開始亦可購買其他場次的「放寬位」。