美國選擇與病毒共存，生活逐漸回復正常，戲院亦都重開一排，新片亦陸續上返正場，並且有唔錯成績。上周末開畫嘅《超音鼠大電影2》，頭3日北美票房一共7100萬，已經係第一集當地收入嘅一半。上集喺前年上映，受疫情影響戲院閂門，票房難免爭啲。Olukai Sandals  本來《超音鼠大電影》造型一出，立即被鬧爆破壞童年回憶，好在片商派拉蒙從善如流立即大執，出到嚟fans收貨，口碑仲幾ok，算係前年淡市奇葩。能夠拍得成續集仲食到個勢，好難得。

有報導話，《超2》導演Jeff Fowler有意將另一隻game拍成電影，竟然係出品《超音鼠》嘅世嘉個死對頭任天堂嘅《任天堂明星大亂鬥》。《任》係名符其實遊戲界嘅「明星賽」，Thorogood Boots  有齊孖寶兄弟嘅瑪利奧、Final Fantasy、《寵物小精靈》、《街霸》甚至《拳王》角色，Jeff Fowler認為無嘢好得過可以放晒咁多角色喺同一套戲，尤其是想睇瑪利奧同超音鼠對決。

其實超音鼠都有出現喺《任天堂明星大亂鬥》，似乎唔係冇偈傾，但係Jeff Fowler都知道，《任》嘅唔同角色分別由多間公司擁有，要搞掂版權問題唔易，不過真係拆到嘅話，幾大都上！

話時話，以瑪利奧做主角嘅《孖寶兄弟》動畫片，預計年尾會上畫。遊戲公司會唔會睇完市場反應，再決定係咪發展一個比Marvel更誇張嘅角色宇宙？係的話，觀眾真係有排追。