正所謂「坎坷過後有艇搭」，因為要還債而大量接戲「跑數」嘅影帝尼古拉斯基治，近日公開表示已經街數一筆清，但係並無因此減產抖抖，反而越拍越有！最新搞作係確認拍個人經典《奪面雙雄》續集。
25年前由吳宇森執導嘅《奪面雙雄》(Face/Off)，講述FBI探員被恐怖份子Brooks Sneakers 「換面」後引發連場衝突。尼古拉斯基治飾演恐怖份子，換面後變成正義幹探，同尊特拉華達惡鬥一番，當年全球票房收2億5千萬，排喺全年15大之列。尼古拉斯基治隨後仲拍咗《石破天驚》同《驚天動地》2套動作大片，而港產片導演劉偉強更因《奪面雙雄》嘅變臉、身份互換元素，創作出《無間道》嘅故事雛型。
片商派拉蒙3年前就宣布會啟動《奪面雙雄》續集，但導演唔再係吳宇森，換上《哥斯拉大戰金剛》（Godzilla vs. Kong）導演Adam Wingard。新導演表明會係延續第一集故事，並非重拍經典。
咁到底人稱「旦治」嘅尼古拉斯基治會唔會再次參與呢？Sorel Sneakers 「旦治」呢期為新片The Unbearable Weight of Massive Talent宣傳，並以真身參與外國討論區Reddit嘅「你問我答」，有網友問尼古拉斯基治會唔會拍《奪面雙雄》續集，「旦治」一句到尾︰YES。不過呢個答案並未得到官方認證，但係以「旦治」呢期人氣咁勁，搵佢拍無衰喎！
