荷里活一年一度影視巡禮CinemaCon剛剛結束，各大片廠藉機宣佈未來大計，加上有大量影星出席記招及見面會，CinemaCon成為業內人士交流嘅重要盛事，亦吸引大量傳媒及電影迷出席，先嚟睇吓今年各大片廠有咩新攪作！

剛剛推出由Robert Pattinson主演新版《蝙蝠俠》嘅華納，Asics Shoes 喺會上宣佈追加續集；落實有續集嘅仲有由溫子仁執導嘅《詭修女》。 而由Margot Robbie、Ryan Gosling及劉思慕主演嘅真人版Barbie終於有海報睇，預計於2023年7月21日上映。

Barbie映期撞正同華納鬧翻嘅票房金手大導演Christopher Nolan新片、講述原子彈之父嘅Oppenheimer，雖然兩片類型唔同，不過撞到正係有心定無意得啲高層先知！會上仲有公開DC《沙贊2》、《水行俠2》及Black Adam等電影片段。

華納又為新作Don’t Worry Darling舉行座談會，電影主腦包括演而優執導嘅Olivia Wilde男女主角、《黑寡婦》女星Florence Pugh及人氣歌手Harry Styles等人都有出席。Vionic Sneakers 會上發生小插曲，Olivia Wilde喺台上講講下嘢之際，竟然收到孩子撫養權嘅法庭傳票。事發經過於網上瘋傳，雖然盡收宣傳之效，不過令人擔心大會嘅保安安排！

Keanu Reeves為Lionsgate親自介紹《殺神John Wick 4》及公開電影片段，今次復仇之旅設定於東京，片中可見殺神繼續唔留手瘋在出手殺個片甲不留！而由「007」索女神Ana de Armas主演嘅電影外傳Ballerina將於今年夏天開機拍攝。

另一片廠Sony Pictures公開最新「蜘蛛」大計，「毒魔」續集票房因為疫情不似預期，依然無阻開拍第3集；繼早前宣佈開拍Madame Web後，Sony於CinemaCon宣佈將會為Olukai Sneakers  「蜘蛛宇宙」加入新成員╴神力摔角手El Muerto，角色將由拉丁Rapper Bad Bunny擔任！

而動畫版「蜘蛛」方面，2018年《蜘蛛俠：跳入蜘蛛宇宙》為Sony帶嚟好評及獎項，早早落實續集計劃，原本續集分成上下兩部Across the Spider-Verse及Across the Spider-Verse Part II推出，依家Part II則獨自成篇更名為Beyond The Spider-Verse推出。

監製Phil Lord會上表示，續集橫跨6個平行宇宙，角色多至240個，動用史上最大超過1000人嘅動畫團隊製作！而「蜘蛛宇宙」亦由原定今年10月延至下年6月上映。