《魷》成為Netflix史上最受歡迎劇集，更加係首套成為美國收視之冠嘅韓國劇集，上架28日後，收看時數高達16.5億小時。開Season 2只係遲早嘅事，導演黃東赫亦都透露應該成事，仲話大家咁愛戴，冇得佢唔開新一季！

喺美國時間星期日，Netflix透過官方社交平台發布短短10秒嘅宣傳片，見到「123木頭人」嘅齊蔭公仔Young Hee隻眼，閃咗2下紅燈，再閃出個2字，cpation就話「開綠燈！《魷魚遊戲》第2季正式回歸」。Netflix同時post埋黃東赫一封俾劇迷嘅信，提到劇集3大男星李政宰、李秉憲同孔劉嘅角色都會喺第2季再次現身。佢仲大爆觀眾會認識Young Hee嘅男友Cheol Su，可能呢個新角色都會對參加者大開殺戒。

黃導封信亦提到，用咗12年時間先將《魷魚遊戲》呈現眼前，但只需12日就成為全球最受歡迎劇集。不過黃導冇提到，《魷魚遊戲》第2季幾時面世……唔使等多12年啩？