雷莊𠒇（Juliette）2017年參加香港小姐競選勇奪冠軍及最上鏡小姐，不過被指得獎全因有強勁後台，又因其健康膚色非大眾審美觀標準，加上齙牙被封為「最醜港姐」。雖然翌年代表香港參選國際中華小姐競選得到季軍，但仍選擇離開TVB回加拿大發展。日前，雷莊𠒇於社交平台PO出回港睇夜景嘅照片，與港姐時期相比靚咗勁多，連招牌齙牙都無埋。

雷莊𠒇於加拿大身兼模特兒和演員工作，曾為當地連鎖烤雞餐廳拍攝廣告、拍攝短片《& Cut》、Amazon Prime Video《Three Pines》及Netflix劇集《The Recruit》，即使戲份唔多但已成功向進軍荷里活目標邁進。雷莊𠒇亦不時於社交平台分享性感造型嘅福利圖，例如真空著西裝褸、火辣浸浴照，大曬逆天長腿及曲線身材，狀態更勝當年選美。雷莊𠒇近日分享自己於飛鵝山觀看夜景嘅打卡照並寫道：「Being home, just puts the biggest smile on my face （回到家，令我露出最燦爛的笑容）」，從照片中睇到，長直頭髮嘅雷莊𠒇著上牛仔恤衫更顯青春活力，過往嘅招牌齙牙亦消失；唔少網民都留言表示歡迎佢回港。雷莊𠒇又連續PO出多個IG Story，包括搭天星小輪前往海港城、食街頭食檔等照片；不過，雷莊𠒇就於昨晚（26日）PO出一張靈堂照，寫道：「until we meet again Popo, have a blast in Heaven, don’t be too savage to those boys」、「I”ll miss you so much」，看來是次回港目的係送親人最後一程。

TVB年度盛事《2023香港小姐競選決賽》喺前日（27日）已經圓滿結束，結果由15號莊子璇成為冠軍，而亞軍及季軍就分別由4號王怡然及17號王敏慈奪得。近年嚟唔少人都話港姐質素大不如前，同時難以兼備「美貌」及「智慧」。其實TVB以往都出產咗唔少大方得體又靚又叻嘅香港小姐，近日有網民喺討論區搞咗個「10大最美香港小姐」選舉，而家就同大家睇一睇啦！

第十位：朱千雪
現年35歲「民選港姐冠軍」朱千雪（Tracy），喺2012年參選時係大熱人選，不過因為決賽當日嘅投票系統出現故障，導致朱千雪大熱倒灶，僅獲得季軍。當年未卸任嘅佢已經深受網民愛戴及獲TVB力捧，不過婚後佢選擇淡出幕前，向TVB請假一年到校園進修，其後更到城市大學修讀法律博士學位，2020年轉行做大律師及擔任講師。唔經唔覺已經轉行三年嘅Tracy，成功喺律師界闖出一片天，仲已經升格成為實習大律師嘅師父，果然係「美貌與智慧並重」。

第九位：謝嘉怡
謝嘉怡（Lisa）2020年以大熱姿態勇奪香港小姐冠軍及最上鏡小姐，成雙料冠軍，中英混血兒並擁有深邃輪廓嘅謝嘉怡更被大讚係近年最美港姐之一。由蘇格蘭任職護士變成藝人嘅佢，唔經唔覺已經入行三年，雖然觀眾緣不俗，不過工作量唔算多，參演劇集暫時只有處境劇《愛·回家之開心速遞》、《有種好男人》及《新四十二章》。

第八位：楊思琦
現年45歲嘅楊思琦係2001年港姐冠軍，同時亦係單屆最多獎項佳麗，分別獲得冠軍、最上鏡小姐、網上最奪目小姐、纖體美態獎、最甜美笑容佳麗獎和最修長美腿佳麗獎。 楊思琦本來係無綫力捧上位小花之一，演出機會不斷，可惜喺12年瞞住拍拖九年嘅李泳豪，與被稱為空心老倌嘅吳帥撻著兼未婚懷孕，其後誕下大女穎穎（楊卓穎），乖乖女形象瞬間破滅，14年離開無綫向外闖，2019年與圈外男友結婚，並誕下兒子 Kody。近年楊思琦為賺錢養仔女同供樓，積極北上發展，努力嘗試不同嘅工作，例如登台、經營內地社交平台拍短片、開直播及出席活動等等。

第七位：李綺虹
李綺虹（Theresa）於1994年參選香港小姐奪得季軍後入行，當年因甜美外貌和率真性格深受歡迎，未卸任就被安排於當年台慶劇《阿SIR早晨》擔正女主角，與黎明、古天樂合演。其後愈戰愈勇，除咗有份出演《衝鋒隊怒火街頭》、《神偷諜影》等多部電視劇及電影，更憑《衝鋒隊怒火街頭》及《金枝玉葉2》提名第16屆香港電影金像獎「最佳女配角」，星途燦爛。不過，李綺虹自2004年與外籍老公結婚及誕下兒子後，減少幕前演出，專心相夫教子。

第六位：佘詩曼
佘詩曼係1997年香港小姐季軍，當年冠軍翁嘉穗、亞軍李明慧都無選擇喺無綫發展。之後佘詩曼開展電視劇生涯，初初拍劇俾人話唔識做戲及雞仔聲等等，不過憑住佢個人嘅努力，最終以《金枝慾孽》、《鳳凰四重奏》、《絕代商驕》、《天與地》、《使徒行者》等演出獲得觀眾讚賞，成為當家花旦。不過佢已經已經離巢TVB前往內地賺人仔多年，直至早前佢先回巢拍攝新劇《新聞女王》。

第五位：吳婉芳
現年55歲嘅吳婉芳（May）係1986年香港小姐亞軍、最上鏡小姐及才華小姐，入行後參演劇集唔多嘅佢仲試過被TVB雪藏，其後係1990年簽約唱片公司，推出個人專輯做樂壇新人；不過喺93年下嫁富商胡家驊後就淡出幕前，先後誕下兩子一女，專心相夫教子。一向保養得宜嘅佢，係圈中出名的凍齡美女，睇落一啲老態都冇，完全唔覺得已經年過半百。

第四位：盧淑儀
現年49歲嘅盧淑儀喺1992年參選港姐，獲得冠軍、最上鏡小姐及二十週年金輝大獎；之後參加國際華裔小姐獲得亞軍。佢喺當選冇耐就同對佢一見鍾情嘅李克勤拍拖，之後更退出娛樂圈。二人喺2006年拉埋天窗，先後誕下兩名囝囝Ryan及Rex，結婚多年恩愛如昔。

第三位：蔡少芬
蔡少芬喺1989年參加無綫電視嘅超級模特兒大賽、並喺1991年歲奪得香港小姐季軍。加入TVB後便獲得力捧，參演多套劇集拍攝，例如《金牙大狀》、《異度凶情》及《壹號皇庭V》等等，喺1998年佢以25歲之齡憑《天地豪情》飾演Diana成為最年輕視后。演技獲得觀眾認同嘅佢，與郭可盈、宣萱及陳慧珊被封為TVB「四大花旦」，不過去到2010年佢主力內地發展，2011年憑《後宮甄嬛傳》「皇后」一角爆紅，創下演藝生涯嘅高峰，之後佢哋內地發展一帆風順。至於婚姻方面，蔡少芬與張晉喺2008年結婚，先後誕下兩女一子，家庭幸福美滿。

2023年越南世界小姐決賽上周六（22日）晚上在越南平定省舉行，40名佳麗角逐冠軍寶座，最終由黃陳伊妮（Huỳnh Trần Ý Nhi）勇奪冠軍殊榮，河內商業技術大學22歲學生陶氏賢 （Dao Thi Hien）奪亞軍，胡志明市農林大學工商管理專業19歲學生黃明堅（Huynh Minh Kien）則奪季軍，惹起關注，唔少網民都大選佳麗們高質，甚至比近幾年嘅香港小姐漂亮。

冠軍黃陳伊妮今年21歲，為越南國立大學工商管理學生，亦有兼職做攝影及時裝模特兒。黃陳伊妮五官輪廓標緻，集美貌與氣質於一身。除此之外，身高175cm嘅佢擁有一雙纖長美腿，身材比例完美得犯規；曾獲平定魅力學生亞軍，早前更獲得「時尚麗人」稱號，同時入圍「海之美人」、「慈悲之美」系列提名。

選美比賽過程中，少不免有問答環節；黃陳伊妮當時被問到「現在的年輕人在生活中面臨著很大的壓力，你遇到了哪些問題，你是如何解決的？」問題，佢就回答得相當大方得體，表示每個人都係獨特：「我們每個人都有自己的壓力，我也有同等的壓力。我出生在和平時期，有很多條件去發展、學習、完善自己。我害怕自己不能像別人那樣成功，這是一個帶有偏執的說法。但每個人都有不同的起點和優勢。我們不應該把自己和別人的長處進行比較，而是要看到自己的長處並發揮出來。」又以鑽石嘅形成比喻成進步嘅過程，直言：「我最喜歡的一句話是『創造鑽石的壓力』，如果我們知道如何利用這種壓力，它會讓我們成長，更快地成功，成為閃亮的鑽石。如果我們不能克服壓力，我們就會成為一粒普通的泥土。」