熱點事件_人氣搜尋_熱點新聞
《中年好聲音》已於啱啱過去嘅周日（23日）圓滿結束，周吉佩被指爆冷擊敗賽前大熱龍婷及李佳奪冠，李佳奪亞軍，季軍則是羅啟豪，而龍婷僅獲「觀眾最愛好聲音」獎項，賽果令唔少觀眾直斥造馬及替李佳感到不值，紛紛湧到TVB及「See Saw先」社交平台專頁留言鬧爆TVB，又指節目快歌環節分數欠缺透明度。
無綫總經理曾志偉日前出席活動時就回應造馬之疑雲，表示自己都無諗過周吉佩攞獎：「邊有機會造馬，幾難，要其餘5個參賽者唱得唔好」，仲話如果要造馬都會造年紀大嘅参賽者，咁先可以證明係「中年好聲音」，強調分數有會計師核數。《中年好聲音》搞作多多，即將喺5月13日至14日於九展舉行演唱會。曾志偉亦於活動中表示，將會見到全部參賽者都成才，TVB已與入圍100強嘅參賽者簽約，現時多人搵嘅反而唔係周吉佩，而係吳大強及龍婷，笑指已為吳大強接咗一個廣告，仲勁過其兒子吳偉豪。曾志偉又透露，第二季《中年好聲音》已開始報名，現時反應熱烈，預料9月就會開拍，仲話歡迎第一季參賽者及TVB藝員參加。
以往電視台大戰年代，搞大show對撼對家重頭節目時有發生。近年開始錄得盈利嘅ViuTV，5月7日將會舉行音樂頒獎禮 《Chill Club年度推介22／23》，旗下人氣男團MIRROR同ERROR一定會出席，加上頒獎禮玩法及演出安排同大台截然不同，唔少新一代歌手如MC張天賦、林家謙、陳蕾等都會出席。論收視點都唔夠向來入屋嘅TVB鬥，但網上聲勢一定有，預咗facebook會被洗版。
TVB當然唔會撓埋雙手，近期《中年好聲音》大熱，決賽收視更錄得最高26.4點，可以話係近年大台少見嘅好成績。有見及此，TVB將會喺Chill Club頒獎禮當晚，搵《中年好聲音》一眾選手，舉行類似「紅白歌合戰」嘅男女歌手對決音樂綜藝show。
暫名「紅白大戰」嘅節目，據報會喺《中年好聲音》26強選手入面，搵九男九女分成男女子組，喺唔同環節派組員演唱互相PK，並且有5位評審俾分嚟分勝負。暫時得知男子組人選有《中年好聲音》冠軍周吉佩、季軍羅啟豪，入圍決賽6強嘅吳大強同顏志恒；另外仲有十二強份子丁文俊、涂家堯、梁浩銓，另加表現不俗嘅魏嘉信同何博文；女子組方面就有好聲音亞軍李佳、網上人氣王龍婷，十二強選手支嚳儀、曹敏寶、林鉫偉；另外仲有陳早怡、「二家姐」李思林、梁鎧庭、李泇霖。
至於評審人選，除咗有比賽時嘅固定班底肥媽、伍仲衡、周國豐及張佳添之外，仲有殿堂級填詞人鄭國江老師加入。
劇集《金宵大廈》及《白色強人》喺2019年播出時大受歡迎，盛傳兩套劇集續集《金宵大廈1968》及《白色強人II》將會成為TVB 2021年台慶劇，但TVB早前已將本年度台慶劇落實，最後兩者皆無緣成為今年台慶劇。今個年度台慶劇將會係《換命真相》、《星空下的仁醫》、《十月初五的月光》及《拳王》。
率先喺下周一（18日）播出嘅係《換命真相》與《星空下的仁醫》；Ecco Women’s Shoes由近來與Netflix原創劇《魷魚遊戲》男主角李政宰撞樣嘅譚俊彥及鄧佩儀主演嘅《換命真相》將安排喺8時半播映，以穿越為題，講述譚俊彥獲得重生機會，希望阻止災難發生；譚俊彥就表示知道《換命真相》係台慶劇有啲壓力，但自己一定會做好佢，打響頭炮。而《星空下的仁醫》就會喺9時半播出，除咗首度以兒童醫院為題材夠新鮮，演員陣容都成追看關鍵，先係鍾嘉欣榮升媽媽後首度再出演女主角角色，久未喺TVB露面嘅周家怡與鄭嘉穎亦再度與TVB合作，聯同馬國明演出，將會係鄭嘉穎與馬國明兩位視帝繼2010年《鐵馬尋橋》後再次合作。
《十月初五的月光》、《拳王》被安排11月22日同日接力播出，8時半播映嘅《十月初五的月光》由胡鴻鈞飾演「初哥哥」、何依婷飾演「祝君好」，網民對於何依婷首次擔任女一就飾演當年佘詩曼經典角色表示唔太睇好，但何依婷就表示當佘詩曼係前輩，Hey Dude Shoes自問盡力演出就已經問心無愧。至於9時半播出嘅《拳王》就以拳擊為題，由黎耀祥、張振朗及姚子羚主演，張振朗就提到《拳王》係入行十年以嚟最辛苦嘅一套劇，拍攝前已用上一年時間操弗身形，一直要keep住身形到最後一日，加上打拳戲好難演，不過好開心突破自己，又指對於攞視帝抱隨緣態度。
