視后唐詩詠感情生活備受關注，早前到內地吸金嘅佢，原來近日已返港過新年，日前相約好姊妹張曦雯及其家人拜年，聚餐時張曦雯帶埋男友見家長外，竟然連唐詩詠緋聞男友伍允龍都在場，十足兩對Couple約埋一齊Double Dating一樣，加上唐詩詠同張媽媽勁老友，當正對方係媽媽一樣，今次聚會似足見家長，難怪令網民再翻炒昔日緋聞，揣測佢哋關係更進一步。其實唐詩詠與伍允龍拍攝《鐵拳英雄》時曾傳緋聞，但女方表示只係朋友關係，但今次再相聚，網友都好希望佢能夠有情人終成眷屬！