視后唐詩詠的感情一直備受關注,大年初二與曾傳緋聞的伍允龍、好姊妹張曦雯及男友等茶敍,十足Double Dating一樣。詩詠笑言視伍允龍如師傅般尊敬,但不諱言今年獲堪輿學家贈言,買桃花催旺人緣及愛情運,期待兔年行個美滿桃花運!

唐詩詠自從離巢無綫後,一直放開心境,接受不同新事物及新嘗試。入行多年的她樣子甜美兼態度溫文,被喻為「絕世好女友」。單身多年的她一直不乏追求者,雖然現時寄情工作,但她受訪時坦言希望兔年事業與愛情雙贏,享受工作之餘,亦渴望有美滿的生活。問到怎樣催旺桃花運?詩詠說:「之前有師傅叫我去買桃花,因為離開咗舊公司,要自己催旺吓啲人際關係,桃花有利人緣之外,仲會旺埋愛情,我都期望事業、愛情兩得意!兔年走出舒適圈,我已經準備好迎接多方面嘅新嘗試、新景象。」

如師傅般尊敬

去年她與伍允龍有份主演的劇集《鐵拳英雄》播映,因劇中伍允龍癡戀詩詠,之後更被拍得詩詠以辣跑接載男方,因而傳出緋聞。事後詩詠指伍允龍拍打戲時幫助她不少,笑言當人情還給他,強調只是朋友關係。不過人在人情在,大年初二詩詠相約好姊妹張曦雯(Kelly)及其家人拜年,除了Kelly偕男友見家長外,伍允龍亦在場,十足兩對情侶約埋一齊Double Dating,加上詩詠與張媽媽關係甚佳,當正對方是親生母親,今次聚會似足見家長!難怪網民翻炒昔日緋聞,揣測詩詠跟伍允龍關係更進一大步,希望兩人有情人終成眷屬!

對於被指有新戀情,詩詠笑言:「唏!我對伍允龍就如師傅咁尊敬,拍劇時佢真係幫我太多喇!所以新年點都要同師傅拜個年。今年新年我都係約啲朋友食吓嘢,又去咗『阿哥』林子善度拜年。Kelly同伍允龍好熟㗎,因為佢哋家人都喺芝加哥,所以約埋一齊食嘢囉!」而伍允龍受訪時表示:「只係咁啱大家喺香港約埋一齊食飯,聚一聚咁,唔好誤會。」

張曦雯盼好友「脫單」

至於Kelly坦言與母親都期待詩詠盡快覓得如意郎君:「我梗係希望佢快啲搵個好嘅男朋友,連我媽咪都好心急,成日問我詩詠拍拖未,希望新嘅一年佢快啲搵個男朋友介紹畀我哋認識。」

唐詩詠不避嫌跟緋聞男友伍允龍相約張曦雯茶敍。
唐詩詠不避嫌跟緋聞男友伍允龍相約張曦雯茶敍。
張曦雯與男友(左一)、唐詩詠及伍允龍儼如兩對情侶。
張曦雯與男友(左一)、唐詩詠及伍允龍儼如兩對情侶。

發佈留言

發佈留言必須填寫的電子郵件地址不會公開。 必填欄位標示為 *

On Cloud Sneakers | Lucchese Outlet | Oboz Canada | Mizuno Shoes | Wesco Boots | Carolina Boots | Topo Shoes | Whites Boots | Crispi Boots | Hunter Rain Boots | Dingo Boots | Barefoot Shoes Canada | LaCrosse Boots | Cuadra Boots | Lems Shoes | Anderson Bean Boots | Zodiac Watches | HELM Boots | Dryshod Boots | Coach Outlet Canada | Scarpa Boots | Lugz Boots | Xtratuf Canada | Freebird Boots | BALL Watches | Consuela Bag | Brahmin Bags | Zodiac Shoes | Work Boots Canada | Bueno Shoes Canada | Hobo Handbags | Rieker Schuhe | On Cloud Schuhe | Sam Edelman |